7-7-2013 極地狂奔第五課之「炎夏上崗！挑戰馬鞍崗！」

各位會友、街坊：

 

總共5課之【極地狂奔】黎到今個星期7-7-2013(星期日)最後一課，回顧之前四課大家每一次都付出百份之一百努力，即使完成全程或未能完成全程既跑友，對跑步態度同熱誠，令到小弟(華)呢個新丁人生受用無受窮，感激!!!
此期間會長、世明哥及一衆吹水會元老私務纏身，任小弟在此自吹自擂任意妄為亂噴一番，在此多謝各位、請多多包涵!!!

 

7-7-2013(星期日)早上長課將會逆走馬鞍崗回球場，極地狂奔第五課之「炎夏上崗！挑戰馬鞍崗！」，全程約24.5K由球場出發經元朗公奄路、上大棠山路、到馬鞍崗出河背村公所、轉回錦河路、經錦上路西鐵站約17K、向前走出錦田公路、再出青山公路元朗段、過博愛醫院經元朗西鐵站、朗屏村回天水圍球場。

 

#中途退出可選擇河背村公所搭小巴出元朗，或錦上路西鐵站(約17K)搭西鐵回天水圍，請帶備百達通或小量現金。

 

#沿途補水站如下: 上大棠山路口士多、錦上路西鐵站、博愛醫院或元朗西鐵站、朗屏村。

 

請各位留意：集合時間仍舊是早上7:15分。

 

跑得開心！吹得精彩 ！                    
                                                                      華上 2-7-2013

後記 :

                    極地狂奔全集已完成，多謝各位街坊會友支持！今早有太陽伯伯強勁既支援實在招呼周到，使到我地衆人唔好意思，吹 水 女士們更感盛情難卻避之則吉相約早半小時出發。全程完成既有卡樂B、Frankie、Dieman、英姐、阿賢、超哥、阿Joe、Yoko等，                      Frankie及Dieman更走多2K共26K回球場，冬哥、就哥、東嫂、Kitty、Candy則於閘口回航，其餘各人於錦上路拆回，Gary遲到跟咗耀哥去大樹下，各人在球場拉肋後往會所食早餐。
                  今日早餐共兩大枱破咗食早餐人數(超過20人)，期間更遇見街坊跑界高手何海濤，傾談下得知佢寫緊一本關於跑步及路線既書，更邀請我地吹水會提供相片刊登在書中。