5-1-2014年（星期日）早上長課邊境路30K

新的一年開始，祝各位身體健康!! 長跑長友!! 傷患遠離!!

5-1-2014年（星期日）早上長課邊境路30K，起步時間仍然係7:30分，會友街坊可自行來回加減K數。

當日適逢新一年度美津濃半馬賽事，部份會友將會參與，並祝各位馬到功成順利PB完成。

早課路線如下：天水圍運動場出發--深灣路盡頭（水廠）--回程至深灣路警署（即吹水會俗稱7字）再折返--深灣路盡頭（水廠）此來回路程共8公里--沿路直返天水圍運動場，全長約30公里多少少，其他街坊/會友可自行增減此路程長短。 

另外, 除原有邊境路線外, 有部份會友想由荃灣碼頭跑回天水圍, 有興趣可於7:30分球場集合, 由就哥帶領坐西鐵到荃灣碼頭出發, 請帶備少量現金或八達通, 全長約30K.

歡迎各位街坊/會友參與！！

吹得精彩！！ 跑得開心！！