未來三星期日的長課安排

請已有登記為選民的會友及街坊留意。大家記得在今個星期日(9月9日)往所屬的地區投票站，向代表你們的候選人，投入支持的一票，一盡公民責任。多謝大家！

因應慶馬需要，未來三星期的周日長課安排如下，請大家留意：

- 9月9日(星期日)長課路線為天水圍球場至屯門碼頭來回約27K，會友可按需要加繞濕地作超長課。各位請帶8仔，以備中途上751輕鐵回球場。碼頭及洪水橋有士多可以補水。

9/9後記:
今個星期長課路線為天水圍球場至屯門碼頭來回約27K，多謝阿飛作後記：
卡樂b同阿祖走左去河田折返，而我好快就被拋棄了，之後回程時，認識了tuen mun跑友成哥，不知這篇他可有看到？
東嫂就泥圍折返，太曬了，就連我想在球場jog多一點也不能完成，因為"腳快要被燒焦了".
就哥因為有"特別任務"在身而偷雞冇走哂原定路線
快回到天水圍，居然見到超哥迎面而上，好野好野，值得我地尊敬！！
到十點半了，明明見倒班長有黎，點解咁耐唔見縱影？原來約左伙記操第二邊，Yoko話tuen mun 太悶，所以都跟左班長走大棠。
最勁爆嘅喺村妹，返黎咁耐都唔見都有d擔心，原來唔夠喉，仲走多轉濕地，仲要氣都唔喘下，有個慶洲比賽，果然係唔同d,加油ar!!
而中明就走佢最中意嘅水廠
另一個supirse係：聽就聽得多，一齊操長課都第一次既Frankie 返來了！
Vic也走足全程
出席既仲有英姐，Andrew等
Gary就因為設計條路果個整得差，跌傷左，並無大礙。
Joe就好似佢屋企果兩只貓咪一樣，偷懶。佢又唔操毅行了，好多人包括我都話佢。  
飛字-

- 9 月16日(星期日)長課路線為荃灣西鐵站至天水圍。一程約28K。會友可按需要加繞濕地作超長課。會友在球場放下行李後便往TSW西鐵月台7-11集合，一起乖西鐵往荃灣西後便沿青山公路跑回天水圍運動場。沿途在深井，黃金海岸，三聖，兆康西鐵，洪水橋皆可以補水。

9月16日長課後記
這天天氣晴朗,在天水圍一起乘西鐵的有勵成,就哥,培哥,華師兄,貴公公,池哥,Frankie,Vic,Gary,Yoko,Flora,村妹,東嫂,英姐,Kitty,大家準時7點半到達荃灣西,而Jennie,Andrew和住荃灣的Tony早已到達迎接吹水大軍.大家問起Tony今天應不用太早起床,但原來他因要喂BB食奶奶,所以四點已起床也沒再睡了.
大軍18人就在此起步, 原來有好多位街坊會友都是第一次跑此路線,感覺新鮮,但也有的因為不識路要在途中停下或拆返等候其他人引路.
勵成師兄今日狀態大勇,一馬當先由頭帶到尾,接近三十公里的路程只花二小時廿幾分便完成,正是實力的見証! Andrew亦不甘示弱從後追迫,而Frankie,Vic,Yoko,培哥,池哥則守在第二批隊,大軍跑至深井首先遇見從屯門的家跑過來的Newman,他停下來喝點水再起步,跑至黃金海岸也遇上了同是屯門街坊的冬哥和Rebecca,他倆夫婦跟大家跑了一段距離,到達三聖才離隊,此時復操不久的Frankie也在此停下,然後拉拉筋叫大家繼續加油!
雖說今天參與長課的大軍有接近廿人,但為何最後只有四人能跑足全程呢? 原來在跑至三聖時,小花之父就哥在輕鐵路口附近不小心跌倒受傷,Gary和培哥剛好在附近,立即上前看看他的情況,就哥當時用手按着額頭,然後快速以四分一秒拿開手看看掌心再按回額頭,培哥的眼不及就哥的手快,所以看不到他額頭的傷勢,此時就哥緊張地喊着”快D Call白車~快D Call白車~”,培哥和Gary雖未能見到就哥額頭的傷勢是否嚴重,但見他喊着頭暈和頭痛,膝頭又仆損流血了,所以都不敢怠慢,但大家身上卻沒帶電話,此時一位熱心的女街坊上前借給他們電話,於是他們便call了白車,原來就哥的傷勢不算嚴重,額頭確是腫起了一塊,膝頭傷口的血比額頭流的多,當醫護人員為就哥包紮傷口和檢楂時,村妹,英姐等人也停下來守候着看他的傷勢,通過檢楂後就哥心情也平伏了,並說要繼續起程跑回天水圍,但各人都不放心他的狀態,他卻頑固地要堅持跑回去,經大家商量後決定「罷跑」,平日照顧小花多的就哥,這天卻反過來有着新舊長老和小花們護駕他回來.
最後一批回到球場的有前一天獨自跑了廿多K長課的華師兄,他今天當上了新一代小花之父,陪伴着Flora, Jenny 和東嫂回來. (其實係三位小花帶我番黎, 華)
Yoko字-

- 9 月23日(星期日)長課地點為TSW球場至南生圍，共25公里。需要加操者請自行繞濕地一圈共6公里。

請各位會友留意以上長課安排。 謝謝!

23-9-2012(星期日)長課後記

今日參與長課人數不太多, 有參與慶州馬拉松既勵成哥, 村妹, 就哥, Kitty, Rebecca, 冬哥, 水警明及近年好少早課出現既Ken Lau, 另外重有英姐, 東嫂, Vic, Gary, 卡樂B, 培哥, 池哥等, 重有遲遲未出現既張氏夫婦華哥及Flora.

今日天氣濕熱走南生圍係一個大挑戰, 太陽一早已高掛頭上, 走在南生圍路上只感覺被太陽曬的一邊面好似火燒, 村妹形容南生圍係一個"鬼地方", 因為夏天晒到爆, 冬天就凍到入骨, 而且有走極都未到盡頭ge感覺(大家都好同意).
 

話說一衆人等出發往"鬼地方", 培哥話要阿Vic感覺吓要係全馬4小時內既速度進發, 開段7K前用5分頭前進, 咁既天氣走來回要25K如要加里數經濕地多6K難度比較高, 沿途入咗"鬼地方"更奇怪既係竟然放頭帶領係華哥及Flora,
原來佢兩個想今次要盡量走全程所以一早出發先, 及後第一個追上黎係卡樂B, 只見佢在轉折點前1.5K雄渾有勁步姿一路從後刹上, 當時莫氣加上被太陽折磨既華哥及 Flora, 到轉折點回程時奇怪為何只有卡樂B其他人是否無入南生圍呢個"鬼地方", 說時遲那時快在不遠處見到勵成哥跟上, 其餘陸續有Vic, Gary, Ken Lau, Kitty, 村妹, 水警明等, 及後在南生圍出口前只見Rebecca及冬哥兩個好輕鬆到來, 見到華哥及Flora就回航, 而就哥, 英姐, 東嫂, 培哥, 池哥等在南生圍"鬼地方"門口9字前回歸. Kitty之前幾日走咗30K所以出元朗搭西鐡返球場, 華哥及Flora大計早已被太陽招呼太好有死去活來感覺亦要上車番歸, 其餘會友都可完成返回球場, 原本有需要加里數經濕地多6K會友, 都因為天氣濕熱無加里數.

及後大伙人一同到會所食早餐吹水, 王仔及會長加入, 世明哥及Jojo剛於早晨6點由澳洲回來, 帶來大批美味食物 (芝士, 火腿, 果仁, 朱古力) 給衆人大快朵頤. 

華字