本星期日(2/12)長課大棠山吉慶橋來回約22K

大家未跑前請先看看以下由冬哥和就哥提供的照片，那是他們在上星期日參加第一屆富士山馬拉松時拍攝。 這個比賽場地非常美麗, 或許會是我們吹水會將來出國比賽的另一目的地。

 

 

 

看罷相片，也是時候回歸香港。我們今個星期的長課地點，雖然不及富士山美麗，但在冬天也會有紅葉觀看。大家不妨在途中留意，看看樹葉有沒有轉為紅色。 

早上七點三十分球場集合出發，往大棠山路吉慶橋口後折返。全程約廿二公里，歡迎所有人參加。

另外下星期日(9/12)參加樂善行，並想一起租車前去北潭涌的會友、街坊請在此留名，以便統計人數，一起租車前往出發點。

跑得開心 吹得精彩

後記
今早起來, 淒風冷雨, 天文台稱市區有17度, 但身大大西北的天水圍相信只有14度左右。今日練長課不算太多人。起步時只有11人。大家比平日多穿厚衣，只有中明兄仍然背心短褲上陣。各人今早大致保持隊型，用6分鐘多一些前進，頭與尾相隔不到十個身位。轉入大棠山路，DAYMEN兄已拋離各人，在前排領放。而中明一直在後頭十個身位左右追著他。黃SIR、GARY及YOKO稍稍墮後而世明及阿KEN以三個身位緊貼在後頭。再後一些便是英姐、KITTY、就哥和華哥。跑至閘口，DAYMAN直奔入大長金，中明因要上班關係便折回球場。其後三人亦相繼穿越閘口往吉慶橋進發。世明及華哥亦在閘口折回。KEN、就哥、KITTY等亦穿越閘口直奔大長金。華哥與世明在下山時見會長穿著雨衣由下而上。他問前面還有誰？其實大家都不知他想找誰？這陣子會長神神秘秘，在路上若隱若現，大家都猜不著他心意。 回程時要DAYMAN最先返回終點，其後是YOKO，她比黃SIR、阿KEN更快返回，看她步履輕盈，兩日內跑四十多公里山課，真的不簡單。由於氣溫越來越冷，大家回到球場後不作久留，便沐浴更衣。此時會長從外走回來，看看各人，又再往外跑去，真不知他在找誰？會長的行徑越來越似『周伯通』師叔，可能他剛得到師叔親傳，看來日後要對他加以留意。看看他有無能力追英姑了。

另外下星期樂善行已有二十人會跟車出發。還想在當日一起在天水圍乘車出發的會友、街坊請快些在此留名。

下面是阿祖及吹水青年今日參加海洋公園10公里比賽的後記。

‎2012年12月2日 陰
今日5時10分一行10人先到天水圍西鐵站集合,齊人後便分批登上兩部的士,不用1小時便到達我們的比賽場地-海洋公園 ,天色不好下著微雨,我們便影影相,熱熱身,到6時40分便站在起跑線上準備起跑,各人心情輕鬆,我們亦充分發揮吹水青年的精神,互相打氣支持

6點50分,傳來一陣歌聲,原來大會安排星級家賓,為我們打氣助興,我們的情緒愈來愈高漲,亦開始緊張上來,,陣間要用咩速度跑?好多勁人起隔黎呀?你地唔好跑咁快.....
直到各家賓來到我面前,主持起跑儀式,一眾攝影機在拍照,不知道是影我還是影名星還是意為我是名星呢?我的心情很興奮,試想想能夠和十多個平時只能在電視看到的明星,現在企在你左右,,這些感覺很難用三言兩語表達出來
⋯⋯

6點58分,,攝影師的鎂光燈仍然閃過不停,亦有人誤嗚槍聲,,直到愈來愈接近起跑時間,他們才讓開,, 吥..聲響起,眾人應聲彈出,我亦不例外,,比賽前只希望用平常心去跑,純碎當一課長跑練習罷了,,開跑後,我跟隨著第一跑群,,他們的速度很快,我慢慢落後,,亦只希望用番自己速度跑,不知不覺就過了1k,這是斜路,心知不妙,留小小力,跑兩跑平路又有斜路,到左3k幾開始是暗斜落,回一回氣,,到4k,又要跑番暗斜上,,仲意為好彩,點知仲要跑一段好斜既斜路,真係好斜,,但都不硬怠慢,想著你們在背後的打氣,,想著曾經練習時的辛苦,想著隊友們,,不知不覺已到最高點,開始落斜,,沖呀沖,去到5k半程時間係21'11,,感覺ok,不太辛苦,,微雨清涼的天氣令我跑得好舒服,,想著剛才去程的斜,回程便是輕鬆的路了,去到月礦飛車果度,落斜有急灣,個地又濕,唔敢太快,,,沖呀沖,1k1k咁過,6k-9k共用了15分07,
,去到最後1k慢慢加速,而我身旁的一位跑友(武天老師)同我跑左幾k,,同佢鬥沖,,最後200m都不夠佢沖,,自己又冇咩鬥心,,最後都輸佢20m...最後按錶一睇,,o哂咀,,10k竟然可以跑39分57,,唔洗40分,,本身意為跑倒42-43已經好好,,但卻有意想不到的成績,最後1k跑3分37
,

總結,今次比賽是小弟跑得輕鬆的一次,無論是天氣,溫度都令我好舒服,,可能用平常心,輕鬆的態度去跑,冇壓力,又冇話每k要做咩時間,又冇按錶睇時間,反而跑得更好,,跑完感覺又唔係攰,,仲可以周圍jog,,,,而隊友方面, ,,第2名沖線既係呀龍,,佢跑47分,,冇咩練跑又跑倒唔錯時間,算不錯,,第3名良仔,,一個真真正正唔練跑的人,,只著一對波鞋,第一次參加比賽,,運跑衫跑褲都冇既人黎講,跑倒51分已經係超勁,,若能夠練下跑,實有一番作為,第4名,泳豪,跑52分,,算不錯的成績,,若能針對練習10k, 你將來的目標一定能迎難而上,,第4,odom 今次在腳痛的情況下能完成10k已經非常理想,現在首要條件是休息,養傷,等好左再跑都未遲,,將來練好些有氧耐力跑半馬一定冇問題,到最後,wai,今次可以完成10k已經係一個大進步,而且有咁多斜都可以用1小時完成,,是很好的,, 亦有機會在個人組拿獎.

大家表現都好好,,如果有對自己成績唔理想既隊友,,唔緊要的,,我們有大把時間,,只要很下小小苦功,跑得快唔成問題的,,最後,我地多謝zoe今次的安排及贊助,你病左仲為我們安排好一切,陪我地去比賽,幫我地影相,,實在功不可沒,,各位吹水青年,,你們要練好的跑,報答zoe姨,,多謝哂zoe姨,,