(高佬)余超紅的安息禮拜

各位會友、街坊，我們的摰友余超紅先生(高佬)的安息禮拜會在今個星期五晚上7時30分在紅磡世界殯儀館內舉行。 希望各位會友、街坊有空的話可以出席，對高佬作最後的送別。 倘若因事未能出席而又希望吹水會代致送花圈及帛金的會友及街坊，可以聯絡會長代為安排。  高佬的喪禮會以基督教儀式進行，在儀式中會有好友分享環節。會長已聯絡了元朗偉(黎偉昌)代表吹水會友作出分享。 偉昌兄已撰寫了一悼念高佬的文章，他會連同冬哥早前在此發表一篇名為"阿余的懷念"的文章，在當晚一起向到會者分享。為了使未能出席的會友、街坊也能體會到會友間的友誼及關懷，在此轉載上兩篇會友撰寫的悼文。好讓大家無論身在何處，在此刻都會在心中默默記念著高佬這位好友， 送上遙遠的祝福，也為他在世的家人致以深切的慰問。

跑友分享(一)：阿余的懷念 (By Dong)

 

阿余的懷念﹕ .... 回想約10年前，我係天水圍臭渠邊跑，間中會遇見到一個跑友迎面而來，有時候會並肩，大家踫到面都會打招呼，點頭微笑，就連我太太都知到有呢個跑友，因為 佢好友善，會主動跟人打招呼，久而久之，我同佢有傾有講，會約跑，又會一齊參加長跑賽，佢就係我地稱呼為高佬既余超紅先生，我叫佢做阿余。

.... 阿余好勤力，每朝7點唔夠就要返工，又經常要加班，但就未聽過佢有怨言，佢又曾經同我分享佢既人生路，講佢多年前點樣死過番生，有時候又會提到佢既屋企 人，間中會流露佢對子女前途既擔憂，但當我對阿余家人有更多認識之後，相信阿余你大可以放心。

.... 營營役役，記得有一次我地一班人返大陸內地參加長跑賽，臨出發前阿余先發覺佢既回鄉証過左期，原來佢係香港咁多年，好少機會去外地旅行，佢勤力工作，為既 就係家人生活，每逢星期日約跑之後，其他人都會一齊食早餐，而阿余就多數會約佢既家人一齊食，又或者幫屋企人買早餐，可以睇得出佢對家人既關顧同愛護。

.... 同佢最多接觸既，係跑步，逢星期日阿余都會參加吹水會既長課，亦會參加大大小小既比賽，阿余拿過唔少獎項，而平日好多時係運動場都會見到佢既蹤影，白頭髮 陸軍裝，10年不變，每次跑步都龍精虎猛，讓同齡或比佢後生既跑友望塵莫及，每次跑完比賽，無論有獎定係無獎，佢都會表現得好滿足同好開心。

 .... 阿余曾經代表佢公司參加毅行者，可能佢較其他同事有更豐富既行山同跑步經驗，所以佢會做領頭羊，係練習期間或比賽中，組織同鼓勵隊友，吹水會過去搞過幾屆 長跑賽，阿余又會出錢出力，買飲用水俾大家，同埋做人肉指示牌，鼓勵其他跑友完成比賽。

.... 2011年6月，當阿余因為長期肩痛同發燒，再次經屯門急症室入院治療，先發現原來佢已患上肝癌，阿余話佢出年就會退休，佢之前無乜同我講過退休後既打算，但當佢被發現有呢個病既時候，佢同我講，原來佢係打算退休後，會同家人，尤其係太太一起四處遊玩，估唔到今日會得到呢個病，當時佢好唔開心，但仍然充滿鬥志，佢會願意接受辛苦既治療，目的係要醫好呢個病，今日，我地係呢度懷念阿余，一個好人，好爸爸，好丈夫。

.... 我明白，生離死別人之常情，只係阿余離開我地太突然，但我相信，作為阿余既家人，朋友，都會懷念阿余，敬重佢既為人，同佢果一份馬拉松既精神，努力跑過人生每一步，不枉此生，我亦祝願阿余家人可以堅強生活落去，健康，幸福，快樂。

 

跑友分享(二)    (By 元朗偉)

 

認識「高佬」- 余超紅 是我跟天水圍吹水會練習長跑後，不久認識的吹水會成員之一。 而吹水會在天水圍區是提倡跑步的一個小群體，是一個以「跑」會友，以「跑」的活動帶出健康的生活；絶大部份吹水會跑友都有著精鋼或扎實的身型，在當年人們標籤天水圍是一個悲情城市的同時，吹水會為這城市注入一些正面能量呢！

 

    六月份某一天得悉「高佬」患病的消息，心裏面感到很沉重，下班後獨個兒到屯門醫院探望他，當我走進病房外的長長走廊時，他的同事們正探望他，他好「眼利」即時望到我，可能我與他不是太深交的跑友，初時他有些愕然，但跟着他走向我，並感動的擁抱我，哭著說：吹水會各人都是天使啊！探病過程中還握著他的手為他祈禱，這一幕情景會永遠記在我心中。

 

    最後一次與超紅聯絡，是在中秋節黃昏五時許，我給他電話，問侯他的病情，在頃談中，知道他跟太太返教會，作為基督徒的我心裏面也感安慰。

 

    ……. 雖然這病最終使他走完他人生的道路，但相信他在地上的生命，沒有枉過，他的人生是精彩的、是充實的，最後他選上最寶貴的，就是接受主耶穌為他的救主。我期盼當我被主接去的那一天，在天上會遇見他，我們會細說在地上的跑步往事，如果你是跑友就會明白，跑友講跑經會說不停的。

 

    超紅離開我們，在世與他認識的人難免有悲傷，但基督信仰是有盼望的，不是人死如燈滅，他只是早我們一步，回天父那裏，享受平安和喜樂。

 

    最後，我謹代表吹水會各人向超紅弟兄的家人致以最深切的慰問！