(26/6) 吉隆坡渣打馬拉松

咪以為見到個標題以為入黎有野睇呀，佢地效率無咁高。依貓未見，飛鴿都未見。都唔知佢地跑成點，不過霸定個位，等佢地一有野返黎便作第一時間報導。  大家睇住今日長課後記先。

--長課後記--

起初以為十幾人飛左去吉隆坡，又有人一家大細去歡樂跑，今日長課一定得小貓三四隻，第結果又唔係喎，唔計遲左出發既阿啤，今日都有15人參加長課，出席率都唔係太差。今日可以用兩個字講完--"濕滯"。天氣'濕滯'，人也'濕滯'。雖然只走邊境路十幾K，但果種翳焗法真係好難形容。總之去程慢，回程更慢。十幾人用了接近兩個鐘才捱完返回球場。下星期決定唔跑咁長，一於去'小南'兜兩個圈算數。 早餐吹水主題仍離不開那件'分居'衫。為了挽救這對面臨分手的愛侶，大家冒著判刑罰款的風險，仍然阿吱阿咗吹了一大堆建議，會長有時'八婆'建議未必無效架，等你返來定案啦。

~~ 祝各位身體健康，生活愉快！~~

我的仇敵呀，不要向我誇耀。我雖跌倒，卻要起來；我雖坐在黑暗裡，耶和華卻作我的光。」（彌7:8）

在網上找到幾位參加奧運歡樂跑的會友/好友照片.

 

 

剛剛講話佢地無咁高效率，阿健明便掌我咀巴。他率先在臉書發佈相片，已阿屯門KEN講佢半馬跑1:31:40。時間相當不俗。再有其他消息再即時送上。

Paul 完成全馬時間是3'20

南哥是3'27

健明是3'34

勵城哥及阿Joe不用4小時.

入鄉隨俗，健明妝扮有D似馬拉哥。

剩係大會跑手資訊中心，香港馬拉松真係有排都追唔上。

雖然比賽在5點鐘開始，大家四點多便到達會場, 出發前更是精神奕奕，不過會長呢? 哦原來同周公講緊電話.

雖然沒有著新戰衣, 大家仍然開開心心準備出賽

大會為了這比賽悉心地把附近建築物裝飾一番

Kitty自從上件跑完沖繩後便沒有比賽, 今次是她傷癒後第一個比賽.  南哥是比賽常客. 跟我們一起出外也有數次. 阿Ken和太座則首次跟我們一起出外比賽.

難得在外國踫見樂華耀哥及小森美們, 當然要影相留念.

會長終於同周公講完電話啦, 他嗱嗱林去到起步點, 見佢今日既C9打扮, 當然猜到佢職責係照顧大家起居飲食, 執頭執尾咁.

起步點但見人頭湧湧, 好不熱鬧

村妹妳好SEXY呀, 係咪人在國外也會開放一些? 不過見妳全身無膩肉, 操得好弗喎~

好少參賽的Amy和Rebecca, 她們今日會為老公牙較而戰, 賽前先禮後兵

ken劉頭髪蓬鬆, 你瞓醒未?

上面兩張相好有行天橋feel, 各大體育用品商不妨諗諗請我地做model.

Beyond招牌手勢.  唔單止Have Fun, 仲有 We are the Best!

會長, 呢位係咪拿督來架? 定係你失散左個兄弟?