連環摧花事件薄

 

[本會特別報導]

6月6日早上8時38分左右，在天水圍天影路發生連環摧花事件。據目擊者表示，當時吹水會三小花正參加8公里長跑比賽，在距離終點不到二百米的斜路上，三人正在全神貫注地向終點邁進，冷不提防地受到一名中國藉男子在外線突襲。三位小花不幸地在數十秒內先後被該名男子'界'到。心靈飽受重創，現吹水會會長陳大文正嘗試聯絡一位綽號'華探' 又名'靚仔華'的中國藉男子，以暸解當時情況。 下面相片由目擊事件者提供，由於內容較為厭惡，只宜十八歲及心智成熟人士觀看。

 

相片一

兩小花在前排三,及四位置, 而第三小花在後面靠右位置。留意中線位有一名白衫男子在靜靜地向各小花迫近。

相片二    第三名小花已被該健碩男子不聲不響地'界'低，唯該男子飽嘗'界'慾後, 意猶未盡地計續向前找尋目標物。 未幾發覺兩小花在前面不遠處, 便火速地向著兩小花進迫。但前面兩小花仍懵然不知大難將至。

相片三    第二小花剛經過目擊者身旁, 而該中國藉男子已經迅速地從後追上來。

相片四     目擊者在近距離拍得該中國藉男子照片, 只見該男子鼓起雙腮，眼睛滿佈紅絲地向著前面二小花位置撲去。前面兩小花最終難逃卮運，雙雙在距終點前兩三米被該男子'界'到， 成為今次事件的第二及第三受害者。 該男子在得手後便迅速地在終點消失。現我會在此向各位女士呼籲, 請各位在日後比賽中留意該'界'女王出現。如發現該可疑人士，請即快跑並遠離該人。

 

 

 (吹水特訊)

就日前發生小花連環被’界’事件，本會特別走訪”保護小花協會”主席老逗，聽取他對今次事件的看法。老逗無奈地表示，以前大、小比賽或練習，他都會在小花們附近陪伴，今次他因見差不多到終點，便停下來跟友人’吹水’，以致被’界女王’有機可乘，他感到十分難過。 他呼籲日後各小花不要圍在一起跑，要盡量單獨跑，免得再次被連環’界’到。他又提醒各小花在跑步時要留意周遭環境，若發現’’界女王”縱跡，便要拔足狂奔，盡量與他保持五秒距離。以防被他再次’界低’。

(吹水會特約記者廣州報導)

 

(獨家專訪)

本會記者在明查暗訪後，幾經辛苦地找到了有’界女王’之稱的”華探，更為他進行了一個獨家訪問，看看他為何會有此’界女’的僻好。 訪問地點在某區運動場內，眼前所見該名叫華探的中國藉男子，體格相當魁梧，可能他剛剛跑完步，整套跑衣全被汗水所弄濕，隱約見到他健碩的胸膛，真是十足十的男子漢。

 

本會記者即上前跟他寒喧並表明來意。華探起初不願接受訪問，但敵不過記者的苦苦哀求，最後都答應接受採訪。但他堅持只准訪問不准拍照。以下是兩人的對話經過：

(記)  可不可以叫你做華哥？

(華)  無問題，好多人都咁叫我。

(記)  華哥，聽聞你在上星期日的比賽中做了連環殺手，吹水會三小花被你連環'界’到，係咪真有其事？

(華)  係！(露出好得戚個樣)

(記)  呢家出面叫你做’界女王’，並叫各小花對你加以防範。你點睇？

(華)  那又如何？ 做人最緊要有實力。(串爆)

(記)  可唔可以解釋一下？

(華)  我有實力，你地點防都無用。係咪？

(記)  哦！ 華哥可唔可以講下點解你有’界女’呢個僻好既？

(華)  嘩！你問得好直接喎~ (華哥略為停頓) 我有一個健康快樂的家庭。我老婆、女兒同契女們對我都千依百順，我在家中是十足十的大男人。在工作上我也是大丈夫，我在路上揸車，個個都只會跟住我尾，無人敢越我半步。我叫邊 個停低，邊個便要停低。

(記)  你咁勁，點解仲要’界女’？

(華)  你咪插咀啦，我都未講完！(嘩!好有官威)

(記)  Sorry~~

(華)  你見我身型咁fit，都知我鍾意運動啦‧我跑左步十幾年啦，最初諗住一個人跑太悶，老婆又想減肥，便叫佢陪我一齊跑咯。初時老婆都同我前後腳跟住我尾跑既，點知佢身體唔知有咩鬼DNA發作，愈跑愈快，仲成日攞獎。同佢一齊映相，D口痕友仲話：華哥，你調教得老婆咁聽話既，成日幫你攞獎杯。哼! 擺明串我姐。老婆唔肯跟我尾，我搵契女跑囉。一於親子跑。點知仲衰，可能真係虎母無犬女吧，我契女跑得仲快過我老婆，呢家仲入埋咩野特區隊潻。我另一個契女雖然無頭先果個咁快，但都快我成條街。佢以前仲肯同我一齊跑下，但早幾個月佢見到隻好肥好趣緻既蝸牛，咁就被吸引左囉。佢宜家唔同我跑咯，佢話要訓練隻蝸牛做唔知咩野Turbo喎… 我見無人陪我，我又跑唔嬴屋企d女人，可能久而久之便有一潛伏心理，見到小花，仲係三花潻，咁我諗都唔諗便’界’曬佢地囉，講起呢家都有d後悔。

(記)  你後悔做左’界女王’?

(華)  咁又唔係，我後悔事後咁張揚，令佢地以後有所警覺，可能第時都無咁易得手。

(記)  係呀~ 果個咩會既陳大文同"保護小花會"既老逗都有出來教d小花點樣防範你再次進襲。

(華)  講起阿陳x文真係把幾火，上年我練到鬼咁 fit， 諗住食硬佢啦，點知差少少輸鬼左俾佢，真係無曬FACE。今年學精左唔鬼同佢鬥，點知條友仔一早無貨買，仲上鬼埋車。早知佢咁鬼屎，我一早同佢賭餐勁啦‧

(記)  咁你明年都可以嘛~

(華)  這個問題，我賣個關子先。不過我都唔想成日做’界女王’。費事人話我剩係識劏女仔。我都想以後跟老婆一樣做”陳界男”，唔係，係’李界男’。我會以陳大文同老逗為目標。等佢地成日保護小花o拿，

我要佢地自身難保，哈哈。(嘩~果樣好似石堅)

(記)  咁祝你奸計得逞，好多謝你接受訪問。

(華)  那又如何?  哈哈~~

記者在華哥那句口頭嘽下，結束對"界女王”的短短訪問。

(獨家訪稿，轉載無需經本會同意)