欲罷不能的超級長課--(3/2)長課跑: 運動場--大棠山閘口--濕地公園--邊境路水 廠--運動場

經過上星期日的操練，會友愈來愈喜愛跑超級長課。今個星期日在勵成哥提議、YOKO和議下，長課路程更變本加厲，長度超過38K。 路線為: 天水圍運動場出發--先跑去大棠山路閘口折回，在蝦尾新村過燈位繞濕地公園路，在河邊過天恆村行人天橋，經輞井村入深灣路，再直走至邊境路水廠後沿河邊折返球場。全程有38.5K(運動場-大棠山閘口--蝦尾村燈位(16K)，蝦尾燈位至天恆橋(3.5K)，天恆橋--水廠--運動場(19K))

星期日天氣應較熱，大家帶齊飲用水、補充劑，量力以為，祝好運！！


--跑得開心  吹得精彩

後記:

2月3日尚有三個星期就到揸馬,
漫漫長路38K長課仍要繼續, 出席終極長課人數有13人, 就哥去咗加拿大旅遊, 世明忙於搵真銀, 會長則公私兩忙, 今早有東嫂, 英姐, 華哥, Candy,
培哥, 池哥, 俊哥, 勵成, 班長, Vic, 水警明等, William比較少出現長課今日都黎及充滿熱誠Andrew.

開步後各人戰戰兢兢, 用一個比較舒服步伐前進, 前面既有Vic, 勵成, Andrew, 水警明等, 而黃仔師兄因只睡得幾小時,
所以初段留在較後隊伍吹水熱身.

轉入公奄路不遠處見村妹迎面逆走, 原來今早佢趕時間,
所以由屋企直接出發到大棠,
一衆人沿路走入大棠, 英姐今周K數過百唔想走鈄路在士多折回, 華哥及Candy亦沒再去, 其餘直上大棠閘口先折回, 華哥因帶水不夠在元朗公園要補給, 元朗公園原來有賽事舉行, 南哥及星爺都有份恊助, 而孖寶兄弟Joe及阿蕭兩人稍後8:30出發往南生圍折回.

經濕地入水廠時遇見久傷復出Gray,
聽佢講會圍城去朗平折返,
邊境路上騎單車既Yoko, 佢都係因傷唔跑騎單車保持狀態. 首先帶領入水廠既係阿Vic, 跟著班長同勵成, Andrew及池哥緊隨其後,
38K啊! 你實在太漫長了, 意志同體能都必須俱備, 部份會友因天氣比較悶熱而改跑短些,
分別在邊境路上掉頭, 水警刖因要趕番工亦沒去水廠. 完成全程既阿Vic第一個回球場,
第二係留前鬥後班長, 勵成及 Andrew, 池哥相繼回來, 大隊休息一會後去飯堂醫肚.