21-4-2013早課大棠山路

今個星期日早課跑大棠, 早上七點三十分球場集合出發，往大棠山路燒烤場閘口後折返。全程約17公里，歡迎所有人參加。

後記:

         今早長課係近日最多人出席共有18位, 天氣唔錯開跑初段通常去到1字位快腳門已經甩開較慢既會友, 有部份在後段會友因過去一星期有一至兩次行山後體能未恢復, 只去到大棠巴士總站就折回, 大家回球場後吹水拉肋後往會所食早餐. 

        今日人數眾多唔知是否另一原因, 在渣打馬拉松女子組做出3:30小時之內既驕人成績千金小姐YOKO, 領取咗大會頒發1千大元獎金請大家食早餐原因, 佢話要多謝各位吹會友過去一年來的鼓勵同倍操練先有今日成績, 其實佢自己努力以赴做都最好同堅持先真, 我地都好多謝佢為天水圍爭光, 謝謝!!