5月至六月長課安排 (5月29日(星期日)元朗8K賽事+黃昏流浮山海鮮宴

超哥再送上他仔仔當日結婚的照片。請各位登入觀看：https://picasaweb.google.com/110161968333603030951/dcKKsK#

在淘寶網見到呢件中國製意大利TIGER跑衣賣118人仔。唔知好唔好著呢?

http://item.taobao.com/item.htm?id=3504479621&cm_cat=50010388,50016756

近日天氣非常炎熱，跑長課也頗為吃力。原打算把長課里數減量，但此計劃會影響在六月底往吉隆坡參賽的會友操練。故這兩月的長課選點頗費思量，希望各位會友能明白。現把餘下數星期長課練習暫定如下，供各位參考。

(15/5) - 邊境路16-22K。會友可自行再增減。

後記 : 今早參加長課的會友、街坊接近30人，有差不多兩個月未有見面的高佬師兄，據云他的病況已見好轉，希望他可以早日康復，不藥而癒。華探因剛調了工作崗位，加上蓮姐不在家，所以他也趁有空來參加長課。另外有一位快腳阿KEN，平時他多在晚上練跑，今早他也來趁熱鬧參加長課，歡迎加入TSWRunners。今早起步時天空下著細雨，加上有風，會友們都跑得很爽，步伐也不自覺地加快。今日雖然有風有雨，但天氣仍是十分翳焗。跑不到幾里，各人已經衣履盡濕。高佬因怕體力未復，故只跑至5字位便回頭，而Dateman, 勵城兄, 基仔, 華探, 培哥, 東哥, 東嫂, Yoko, 村妹及JoJo等十多人跑至邊境路8K位置便回頭。但也有會友如阿潮, 阿JOE，阿蕭， Gary, 池哥, 中明、宗仔、華哥、英姐、就哥及Belle等直跑入水廠，而超哥和Newman因早大隊出發，剛好可以跟大隊一起從水廠回程跑返球場。會長雖然腳痛，但仍步行至8字位才與會友慢跑回球場。 今天留下在會所吃早餐的會友也頗多, 足有廿人。會長順帶向各人查詢會否在廿九日黃昏去流浮山與華探一起吃海鮮，初步反應良好，想參加的會友可以在下星期內再跟會長報名。下星期日的跑山活動將會由朱仔帶領，有關安排會稍後通知各位。

以下是華師兄今日的長課後記 (節錄自長跑長友俱樂步)  

今日長課真攪笑, 一開跑阿就哥問我今日走幾遠, 我話走到8字算啦, 跟住一路走佢突然見我拍住佢跑, 佢同我講唔好走咁快呀我地要走到尾, 我又同佢講我未必走到尾, 但我都慢番跟佢後面, 走走吓控制唔到又拍住佢跑, 佢又同我講唔好走咁快呀我地要走到尾, 跟住佢又問我感覺係唔係好舒服輕鬆, 我見今朝有少少雨水又幾好真係唔錯去走去到盡.
         去到8字多啲見村妹及培哥回頭話前面好多狗, 跟住無幾耐見阿粛及宗仔回頭因為宗仔卑狗追我當堂停咗, 就哥話唔駛怕有佢呢個驅狗專家叫大隊一齊跑, 我見其他人都去無理由剩低我一個, 一路跑到折反點回頭見到有一隻狼狗出現, 大家人多大聲呼渴隻狼狗卑我地趕走, 一路跑再無狗走得輕鬆.
         跑跑吓但見遠處一個人退後跑, 原來係會長佢見到我地後不再前進, 同我地一齊跑返球場, 會長一路跑一路聽歌又一路唱, 我同Belle都覺得我兩個好似玩緊估歌仔遊戲

,
         又一路跑覺得口乾要飲水, 發覺啲水我同Belle都係去程放低咗8~9字之間等折返回頭飲, 大家邊跑邊找但唔見, 會唔會頭先傾談間過咗頭(真閉翳), 再跑Belle先找到佢支水我支都係唔見, 我同會長講我要報警有人偸我支水, 會長話佢黎時係見到但唔很定位置, 佢話可能阿joe口渴飲咗(卑佢激死), 心諗大獲一定係過咗頭要問人取水飲, 好彩無幾遠我已見到我支水在燈柱下.
        今日發覺狀態唔錯走到18k都重有力

, 就哥同我講要留番少少水好啲, 說時遲動作更快我已將 啲水一飲而盡, 心諗重有4k多啲無問題啦, 掂知不聽老人言吃虧在眼前最後2k死死吓

, 最攪笑番到球場門口其他人一早已番齊哂, 會長叫大家企响兩旁當我過終點一齊拍掌, 其後係Belle過又拍.
今日真係要多謝就哥帶我鼓勵我, 會友又熱情真係開心!

(22/5) - 孖髻山越野 10-12K。會友可自行再增減。

今個星期長課改為跑山，由會友朱仔帶領。詳情可以看以下資料： http://hk.myblog.yahoo.com/tswrunner/article?mid=17824 

出發時間照舊早上七點十五分由球場集合出發。請參加會友留意。

後記

多謝朱仔安排, 今日廿位跑友都很開心地完成這幾年很少安排的長課跑山練習. 雖然今早有雨, 但並不影響會友的雅緻.  大家在球場聽完朱仔講解後, 便向目的地孖髻山進發.  在轉入蝦尾村路後不久, 便開始順步上山. 起初會友都是一個接一個地向上跑, 但穿越兩個山頭後, 首尾的隊友便拉開了一段距離.  據有跑開樂善行山賽的會友說,  今次所跑的山路不算崎嶇, 難度不及樂善的一半, 後者需要手足並用才可以登上頂峯. 但今次我們所跑的山路不大險峻, 我們用了不到15分鐘時間悉數上至山頂, 大家稍稍休息及影合照後便開始下山, 雖然朱仔事前說下山的路比上山的路斗斜及難走, 但會友們都很順利的只用了10分鐘左右便下了山. 跟著再穿越元朗工業區跑回天水圍. 有部份會友按計劃行程再繞濕地一圈才跑回球場. 待所有人回到球場後, 時間也只是9時許.  今日的長課是近數星期內稍為短路程的長課,  下星期大家將會參加在天水圍舉行的元朗8K賽,  會長說假如來得及的話, 大家有望可以穿新戰衣出賽.  大家要趁今個星期作兩三課練習, 務求耍以最佳狀態迎接比賽.   (稍後會補上由朱仔拍攝的相片) 

出發前影集體相, 19人加一個遲到的蕭公子. 湊夠廿人.

出發啦, 跑山跑步一樣咁掂.

不用15分鐘便上到山頂.

下山也沒有難度, 照跑可也.

落到山腳, 集齊人馬便跑回天水圍.

輕輕鬆鬆完成跑山第一課.

(29/5) - 元朗8K賽事。會友可於比賽後加操邊境路。

當日會友可以在6點45分左右預先把隨身行李放運動場儲物櫃後才到比賽集合點。我們會在7點15分在天恆村對出行人路(消防局對面)影大合照。比賽當晚6點30分會在流浮山邦記食海鮮兼為蓮姐賀壽(恭祝蓮姐生日快樂!!)。各位還記得嗎？上年某某人在同一個賽事中連界我們三朵小花，還沾沾自喜。今日我們的小花已開枝散葉啦，看你有無本事又一次界曬我地咁多個。哼

昨日賽事在炎熱及空氣質素極差的狀況下舉行。但千多位參賽跑手絕大部份都能完成賽事，有上並刷新個人最佳成績。 在昨日的賽事中，相信最成功的便是3K校際及親子賽。此項賽事吸引了區內十多間學校組隊參加，其中很多參賽學生都是身手不凡之輩，他們只用9分多鐘便完成3K賽事。足見元天區真係人才濟濟。 另外見很多家長都帶著囡囡囝囝參加親子賽，雖然他們平時可能很少跑步，但父母能以身作則跑出第一步並能鼓勵兒女一起跑步，相信已達到大會親子的目的。另外在云云年青跑手中也發現有很多南亞裔學生，真希望區內議會日後多辨一些同類活動，讓各種族加深認識。

在此恭賀昨日獲獎的會友/街坊 阿潮、蓮姐、YOKO、村妹及英姐。恭喜恭喜~

(5/6) - 屯門碼頭 14-25K。會友可加繞濕地一圈湊足31K

(12/6) - 南生圍 16-25K。會友可加繞濕地一圈湊足31K

(19/6) - 大棠閘口17K。會友可自行再增減。

(26/6) - 吉隆坡全馬賽事 / 邊境路 14-16K

除了(29/5)的集合地點和時間稍為不同外，其餘日子都是在早上7點15分由天水圍運動場出發。請各位留意。