八月二號（星期日） － 早課＋下午活動

本星期日長課如常。　早上７：１５分球場集合出發，跑尖鼻咀／邊境路。（路程可長可短１６ｋ－２２ｋ，跑友們可自由選擇）。歡迎樂華會友、街坊、網友及吹水會友一同參加。

下午活動　－－　深圳南山海岸城溜冰／保健按摩＋大飽口福自助晚餐　－－

１：３０分天耀村耀盛樓對開B2P巴士站等侯。歡迎所有人參加，請向會長留姓名。　　　

～～～　跑得開心　吹得精彩　～～～

------------------------------------------------------------------------------

(長課後記)

今日早上7點已有會友在球場集合, 除了平時有跑開長課的師兄外, 也有一位十多歲的年青人 首次參加長課活動. 歡迎歡迎!!　準七點十五分廿多人分兩批出發。今日天氣非常翳焗，走不到一公里，各人已經汗流夾背。真是一步一艱辛 ，大家抱著捱得幾多得幾多的心態，慢慢前進。　由於天氣真係超熱，即使平時健步如飛的師兄，今日也要臣服在濕濕焗焗的天氣下，要半行半跑的返回球場。　總括來說，今課也達到練耐力的效果，時間唔重要，最緊要係‘長跑長有’啊！

================================================　

～～會長今日抱恙未能出席長課練習，他希望各位已購買新跑衣的會友注意，下星期二後各位可以向會長拿取已訂購的跑衣，因為定價略有調高，懇請各位在取衣時補回差價二十大元，費用請直接交予會長，謝過！～～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

4/8  周二 interval   6:15pm 運動場

800 (5min 連跑連休) *12

 

經過早上地獄式操練後,  大家終於收成正果, 下午可以上天堂啦~~

天使男為我們烹調佳餚 見他大汗疊細汗地替我們工作, 我們也不好意思, 一於下定決心, 將所有美食吃光.

面對前面擺放著的各式的美酒佳餚, 各人都興奮異常 .

黃sir難得星期日放假, 一家人開開心心的作一天遊. (黃千金雖然沒有到來, 但黃媽媽說囡囡在家炮製愛心蛋糕給各人回家享用, 真是溫馨, 羨剎旁人

基仔與winne一對準新人, 唔知係咪呢排影得太多結婚相呢? 任何場合都以蜜照示人. 恨死隔離.

華哥蓮姐老夫老妻也不讓基仔尊美, 實行要行動搭夠, 愛到出曬面.

還是阿明同jojo含蓄, 愛在心內暖.

一張長餐桌, 連繫著18條心.  吹水會友又豈是'酒肉朋友' ?  真正把大家聯起來的, 相信是各人都有著共同的愛好和大家都擁有一顆對家人和朋友關懷的善心.

it's time to leave Heaven......  Paradise, visit you next time!!

晚飯前, 大顆兒去~~過冷河~~~ 真雪溜冰!!

唔好以為影張相係好容易架, 其實大家要經過分幾鐘綵排, 跌了又跌, 才可以齊齊整整咁影張大合照.  唔信?  睇下村妹膝頭'掛彩'便知大家幾咁認真. ~~請掌聲鼓勵~~

會長不愧為會長, 溜冰技術高超, 逢人過人, 所向披靡. 真係"咪當我流架".  會長, 你係得既

轉過靚彎, 含梅疾走~~

識唔識溜冰唔緊要, 最緊要玩得開心.

兩個人, 一條心. 手拖手漫步人生路.

黃公子起初也害怕在冰上行走, 但在爸媽鼓勵下, 由憂慮便為開心, 終於踏出人生第一步~~~ 雪中'慢'步

乖仔!  人生總有起趺!  點都好, 老豆一定扶持你架.  加油!!

唔講唔知, 會長曾經代表香港冰棍球隊出賽, 唔怪之得在冰面上穿插也不當一回事.  黃sir當年在荔園溜冰場也'混'了不少日子, 對這玩意自然是駕輕就熟.

冰雪雙嬌 ~~~~~~

會長, 你咁勁, 無人夠你醒. 'V'字送俾你.

~~~~~ 多謝大家收睇, 下次預埋你一齊玩 ~~~~~~

------吹水會,  我Charlie Brown都話無得頂!!  推荐 ------