年三十長課

昨晚收到黃仔電話, 約走長課, 路程由我編排, 於是選擇由運動場出發至陳家村入南生圍, 走到路尾, 回程經博愛回天水圍再落濕地公園經天恆河畔回運動埸, 全程26.81k.

一直都想同黃仔拍吓, 睇吓佢練成點, 起步時感到步速不太慢, 但初段燈多路口多, 影響不大, 進入南生圍路, 速度就明顯快咗, 我自己走來不太順, 可能是拿著水和大風吹關係, 黃仔就明顯順得多, 未幾放低支水, 修正步伐, 情況有改善, 入到路尾17:30, 覺得幾快, 開始回程, 唔知佢想點, 他答砌埋呢4k幾才算, 不過唔知keep唔keep得番17分半, 我收到便開始建立步速, 走過2k速度越走越快,  結果另一轉走出16:55, 然後再慢jog至朗屏, 走到向天水圍的單車徑又再快番啲, 一直沿外圍經過濕地公園, 天恆橋, 速勢都差不多, 最後大家都保持均速由河畔回運動場.

走完此課後, 我對他的印象改變了一點, 一直我都覺得他較為保守, 經過這課就感覺到佢啲決心和小心, 而且功力已經有番一定水平, 尤其是半馬以上的路程, 我對他有信心, 我估計佢今次走到3小時7分36秒17.joe