19-6-2013 衝圈活動

      19-6-2013星期三衝圈 , 400 x 12 個 3分半一組 .

歡迎各位參與 ! 

16-6-2012極地狂奔之熱辣辣直闖南生圍

各位會友、街坊：16-6-2013星期日早上長課，廷續極地狂奔第二課之「熱辣辣直闖南生圍」，由球場出發全程約25K南生圍來回 . 眾所周知南生圍乃地獄之地帶 , 夏天曬好似火爐 , 冬天陰寒好似雪柜 , 沿途景物變化不大完全憾入迷亂狀態 , 望唔到盡頭亦唔知置身何處 , 由博愛醫院旁小路直入4K去4K回確實不易走 . 由球場出發全程約25K路程南生圍來回。

     集合時間仍舊是早上7:15分，請各位留意。 跑得開心！吹得精彩 ！

後記 :

今早出門遇上大雨趕忙在家取回雨傘，心想今日與主題之「熱辣辣直闖南生圍」有出入，起步有東哥、東嫂、村妹、YK、Gary、Vic、
Joe、Candy、鍾明、就哥、賢、培哥、超哥、華、泉、勵成及Andrew等，準時7:15分起步天已下起微雨，走不到1K雨勢時有時無加上偶然有陽光招呼，更令大家辛苦係空氣濕度好高，雨並不能將氣溫下跌， YK因昨日剛上完跑課所以只同華到達博愛醫院前回航，村妹則跟據自己課程走時間，東嫂同Candy去到8字折回球場，其他人直闖南生圍，新來會友阿賢未入過去亦未適應長課，回程由培哥帶領走朗屏回球場，其他人好有體育精神都能順利完成全程，各人回到球場都表示今天氣確係比較無咁理想，但無猛烈陽光已係上天對我地不錯。

          昨日收到海外消息，在印尼峇里島跑全馬的阿潮及耀哥，都在炎熱天氣下完成，時間成績方面阿潮3:23及耀哥3:30完成。恭喜兩位高手!!!!! 

保護財物小心鼠輩

各位會友留意：近日天水圍球場鼠輩橫行，繼新來既街坊跑友阿賢唔見跑鞋之後，村妹亦在沖涼時唔見心愛美記跑鞋，事原女會友沖涼習慣放跑鞋在沖涼房門口或長櫈下面，當沖完身後跑鞋就不翼而飛，估計有人珍事主關門後剩機穿上走入。現時一對跑鞋都需要5百元以上確實幾貴，需然跑鞋已穿了一段時間，不過村妹都好愛錫佢每一對同佢共患難既跑鞋，周不時同佢地沖吓涼保護佢。

不過請取走跑鞋該人士注意：該對鞋之前擁有者有極嚴重香港腳，奉勸偷鞋之人用手取或已穿著該鞋，請立即前往就近醫生或醫院治療，因你已中招。

為免大家再有無謂損失，請大家沖涼時將跑鞋鎖在柜內，或帶入沖涼房內用膠包起掛好。

另外儲物柜亦要小心公家鎖匙，因怕會有人另配一把收起，最好自備鎖頭以免損失。


13-6-2013又有人比人偷竊 , 今次主角係阿祖仔 , 佢話離開半小時轆都無埋 .